Սոցցանցերում Իրանում ուկրաինական ինքնաթիռի կործանման տեսանյութ է հայտնվել, հայտնում է ՌԻԱ Նովոստին։
Կադրում սկզբում ընկնող այրվող կետ է երևում, հետո պայթյուն է լսվում։
Ինչպես արդեն տեղեկացրել էինք, Թեհրանի օդանավակայանում հաստատել են ինքնաթիռի կործանման մասին տեղեկությունը, սակայն մանրամասները հայտնի չեն։ Boeing 737–ում եղել է 167 ուղևոր ու անձնակազմի 9 անդամ։
Իրանի արտակարգ իրավիճակների վարչության տվյալների համաձայն` օդանավում գտնվող բոլոր մարդիկ մահացել են։
Իրանը հրթիռակոծել է Իրաքի ամերիկյան բազաները
Ուկրաինական ինքնաթիռը կործանվել է թռիչքից անմիջապես հետո։ Նախնական տվյալների համաձայն` պատճառը տեխնիկական անսարքությունն է եղել։
Արդեն նաև կործանման վայրից տեսանյութ է հրապարակվել։