ԵՐԵՎԱՆ, 8 հունվարի — Sputnik.Հայաստանից Իրան և Իրաք ուղևորափոխադրող ինքնաթիռները թռչում են առանց սահմանափակումների, Sputnik Արմենիային ասացին ՀՀ քաղաքացիական ավիացիայի կոմիտեից:
Առայժմ կոմիտեն որևէ նախազգուշական հայտարարություն չի տարածել Հայաստանի միջազգային օդանավակայաններից` «Զվարթնոցից» և «Շիրակից» Իրանի կամ Իրաքի օդային տարածքով կատարվող թռիչքների հետ կապված:
«Բոլոր թռիչքներն իրականացվում են սովորական ռեժիմով։ Համենայնդեպս, մենք որևէ տեղեկություն չենք ստացել, որ Երևանից Թեհրան կամ այնտեղից չվերթները շեղվել են ժամանակացույցից», - ասացին կոմիտեի մամուլի ծառայությունից։
Նշենք, որ այսօր, ժամը 15:08 - ին Երևանի «Զվարթնոց» օդանավակայանում վայրէջք է կատարել Թեհրանից եկած հերթական ինքնաթիռը, ժամանակին` ժամը 10:53-ի սահմաններում, մեկնել է նաև Թեհրան թռչողը:
Իրանում ավիավթարից մեկ օր առաջ ուկրաինական ինքնաթիռը Երևանում է եղել
Երևանից Թեհրան և հակառակ ուղղությամբ շաբաթական 4 չվերթ են իրականացնում հայկական «Արմենիա» ավիաընկերությունը և իրանական «Mahan Air»-ը։ Շաբաթը մեկ անգամ թռիչք կա նաև դեպի Իրաքյան Քրդստանի մայրաքաղաք Էրբիլ։ Fly Erbil ընկերության կողմից դրանց դադարեցման կամ կասեցման հայտեր չեն ստացվել:
«Ուկրաինայի միջազգային ավիաուղիների» նախագահը չկարողացավ զսպել արցունքները. տեսանյութ