ԵՐԵՎԱՆ, 7 հունվարի – Sputnik. Ղազախական «Ակտոբեից» հեռացած բրազիլացի ֆուտբոլիստ Մարկոս Պիզելին և ռուսական «Սոչիի» մարզչական շտաբից հեռացած հայտնի դարպասապահ Ռոման Բերեզովսկին հունվարի 7-ին ժամանել են Հայաստան։
Բերեզովսկին պայմանագիր կկնքի Հայաստանի փոխչեմպիոն «Փյունիկի» հետ և կստանձնի ակումբի գլխավոր մարզչի պաշտոնը:
«Բերեզովսկին արդեն Հայաստանում է: Մաղթում ենք միայն հաղթանակներ»,- նշված է երկրպագուների տարածած հաղորդագրության մեջ:
Իսկ Պիզելին, որի հետ պայմանագիր կնքելու մասին ավելի վաղ հայտարարել էր «Արարատ-Արմենիան», կմիանա իր թիմին։