ԵՐԵՎԱՆ, 2 հունվարի–Sputnik. Ժամեր առաջ խոշոր ավտովթար է տեղի ունեցել Երևանի կենտրոնում։ Այս մասին տեղեկացնում է Shamshyan.com–ը։
Վթար Արագածոտնի մարզում. կա 4 վիրավոր
Սարյան և Պուշկինի փողոցների խաչմերուկում ժամը 17։05-ի սահմաններում Dogde մակնիշի ավտոմեքենան դեռևս անհայտ հանգամանքներում դուրս է եկել ճանապարհի երթևեկելի գոտուց, մխրճվել գազատար խողովակի մեջ ու հայտնվել մայթեզրին։
Վթարի հետևանքով տուժել է 2 անձ։ Նրանք տեղափոխվել են հիվանդանոց։ Բախման հետևանքով նաև գազատար խողովակից գազի արտահոսք է տեղի ունեցել։ Այս պահին գազի արտահոսքը դադարեցված է, աշխատանքներ են կատարվում` վթարը վերացնելու ուղղությամբ։
Երևանում երթուղային տաքսի է վթարի ենթարկվել. 1 մարդ մահացել է, տուժածներ կան