ԵՐԵՎԱՆ, 30 դեկտեմբերի — Sputnik. «Բավարիա» գերմանական ֆուտբոլային ակումբը Facebook-ի իր էջում լուսանկարներ է հրապարակել, որոնց միջոցով շնորհակալություն է հայտնել ամբողջ աշխարհի իրենց երկրպագուներին, որոնք այս տարի սատարել են իրենց։ Մի քանի տասնյակ լեզուներով գրությունների շարքում կա նաև հայերենը։ Հայկական դրոշի ու «Բավարիայի» խաղացողների ֆոնին հայերեն տառերով գրած է «Շնորհակալություն»։
Մեկնաբանություններում ակումբի կայքի ղեկավարը հարցնում է բաժանորդներից․«Այդ բառը ճի՞շտ ենք գրել»։ Օգտատերերը վստահեցրել են, որ ամեն ինչ կարգին է ու հայկական դրոշով վիրտուալ նշաններ են դրել։ Նրանք կատակել են նաև, որ Սարգիս Ադամյանը շատ կհավաներ այս հրապարակումը։ Բանն այն է, որ Ադամյանը «Հոֆենհայմի» հարձակվողն է, իսկ այդ ակումբը «Բավարիայի» մրցակիցն է։
Հրաժարականներ, ցավոտ պարտություններ, քրեական գործ. հայկական սպորտի սկանդալները 2019-ին
Այս մրցաշրջանում առաջին անգամ հոկտեմբերին Սարգիս Ադամյանը խաղադաշտ է դուրս է եկել «Հոֆենհայմի» մեկնարկային կազմում ու միանգամից երկու գոլ խփել «Բավարիայի» դարպասին։ Ռուսական հեղինակավոր Sports.ru պարբերականն անդրադարձել էր ֆուտբոլիստի ֆենոմենալ խաղին ու վերնագրել էր հոգվածը «Հայաստանցի տղան մահապատժի է ենթարկել Բավարիային»։