ԵՐԵՎԱՆ, 29 դեկտեմբերի – Sputnik. ՀՀ վարչապետի տիկնոջ` Աննա Հակոբյանի նախաձեռնությամբ Արմավիրի, Արարատի և Շիրակի սահմանամերձ գյուղերի, քաղցկեղ և հաշմանդամություն ունեցող 9-12 տարեկան ավելի քան 800 փոքրիկներ այցելել են Գաբրիել Սունդուկյանի անվան ազգային ակադեմիական թատրոնում են։ Այս մասին Facebook-ի իր էջում հայտնել Է Աննա Հակոբյանը։
Մանկական ներկայացումից հետո փոքրիկներն այցելել են նաև Երևանում գործող մանկական ժամանցի վայրերից մեկն ու լավ ժամանակ անցկացրել։
«Ամանորյա անակնկալները շարունակվում են։ Արմավիրի, Արարատի և Շիրակի մարզերի սահմանամերձ գյուղերի փոքրիկները զվարճանում են Երևանի ժամանցի վայրերից մեկում»,- իր մեկ այլ հրապարակմանը կից նշել է վարչապետի տիկինը։
Փոքրիկների երևանյան այցն ավարտվել է Հանրապետության հրապարակում` գլխավոր տոնածառի մոտ հուշ-լուսանկարով։
Դու մենակ չես. լեյկոզը հաղթահարած 12-ամյա Ռուբենը հոգնել է հիվանդանոցից ու կարոտել Ջավախքը
Նշենք, որ Աննա Հակոբյանը ղեկավարում է City of Smile բարեգործական հիմնադրամը, որն օգնում է երեխաներին հաղթահարել քաղցկեղն ու արյան հիվանդությունները՝ տրամադրելով անվճար բուժում, դեղորայք և սնունդ։ Sputnik Արմենիան «Դու մենակ չես» նախագծի շրջանակում ներկայացնում է քաղցկեղը հաղթահարած ու հաղթահարող երեխաների պատմություններ։ Նախագծի հերոսները City of Smile բարեգործական հիմնադրամի շահառուներն են։