Արցախա-ադրբեջանական սահմանին կրակոցների նվազումն ու հարաբերական անդորրը պայմանավորված է նախ, առաջնագծում Արցախի պաշտպանության բանակն իրականացրել է հետևողական աշխատանք, որպեսզի իրավիճակը դառնա առավելագույնս վերահսկելի, բանակցային գործընթացն էլ երկրորդ կարևոր գործոնն է։ Այս մասին Sputnik Արմենիայի հետ զրույցում ասաց ռազմական փորձագետ Դավիթ Հարությունովը։
«Նախևառաջ կարևոր են շփման գծում տեղադրված տեղազննման տեսագրող սարքերը, որոնք հնարավորություն են տալիս շատ ավելի շուտ ֆիքսել ադրբեջանական ներթափանցման փորձերը: Ադրբեջանցիների գործողությունների հիմքում անսպասելիության հանգամանքն է, իսկ եթե անսպասելիության գործոնն արդեն չկա, հակառակորդի քայլերը դառնում են ոչ էֆեկտիվ, և նրանք ունենում են զոհեր: Սա է պատճառը, որ ադրբեջանցիները քչացրել են մարտավարական գործողությունների քանակը»,- նշեց նա:
Ադրբեջանական ԶՈւ–ն մասամբ Վրաստանի տարածք է անցել. Արտակ Դավթյան
Հարությունովի կարծիքով` անվտանգության ու վստահության միջավայրի ձևավորմանն ուղղված միջոցառումները, որոնց մասին այդքան խոսում են համանախագահները, նույնպես կարևոր են, թեև ադրբեջանցիները դրան դժկամությամբ են գնում: Մյուս կողմից Բաքուն չի ցանկանում լինել բանակցային գործընթացի տապալման կամ ձախողման պատճառ, հետևաբար։ Վերոհիշյալ երկու գործոնները համադրվել են՝ բերելով նշված արդյունքին:
Սահակյան. «Բաղանիսում իրավիճակը հանգիստ է, խուճապ չկա»
Նշենք, որ Արցախա-ադրբեջանական հակամարտ զորքերի շփման գծում տիրող իրադրությունը Արցախի ՊՆ–ն պայմանականորեն կոչում է հարաբերական կայուն. անցնող տարում գրանցվել է 85 000 կրակոց ու 1 դիվերսիոն ներթափանցման փորձ։