ԵՐԵՎԱՆ, 27 դեկտեմբերի — Sputnik. Մի շարք պայմանագրային զինծառայողները հափշտակել են առանձնապես խոշոր չափի` 10.838 լիտր ավիավառելիք. հայտնում է Ազգային անվտանգության մամուլի ծառայությունը։
«ՀՀ ՊՆ N զորամասի մի շարք պայմանագրային զինծառայողներ պլանային ուսումնական թռիչքներ չիրականացնելու և ավիավառելիքը հափշտակելու հարցի շուրջ համաձայնության գալով` հափշտակել են 5 մլն դրամին համարժեք ավիավառելիք»,–նշված է հաղորդագրության մեջ։
Դեպքը տեղի է ունեցել 2019 թ. հունիս-օգոստոս ամիսների ընթացքում։
Առերևույթ հանցագործության դեպքի առթիվ ՀՀ քրեական օրենսգրքի համապատասխան հոդվածներով ՀՀ ԱԱԾ քննչական դեպարտամենտում հարուցվել է քրեական գործ: Կատարվում է նախաքննություն:
Ինչու է հրամանատարը պատուհանից նետել զինծառայողների ծնողների ուղարկած սնունդը. լուսանկար