ԵՐԵՎԱՆ, 25 դեկտեմբերի — Sputnik. Գիտնականները կարծում են, որ Սևանը 2020–ին էլ կկանաչի. իր տարեկան ամփոփիչ ասուլիսի ժամանակ ասաց շրջակա միջավայրի նախարար Էրիկ Գրիգորյանը։
«Սևանը տասնյակ տարիներով բազմաթիվ ճնշումների է ենթարկվել` խորհրդային տարիներին ջրի մակարդակն իջեցրին, հետո նորից որոշեցին բարձրացնել։ Այդ ամենը մեծ ազդեցություն է ունեցել Էկոհամակարգի վրա»,–ասաց նախարարը։
Գրիգորյանի խոսքով` գերմանացի լճաբաններին ներառել են Սևանի խնդրի լուծման վրա աշխատողների թիմում, քանի որ Գերմանիայում էլ կար մի լիճ, որը նույն խնդրի առաջ է կանգնած եղել ու այդ նույն լճաբանները կարողացել են լիճը փրկել։
Նախարարը նշեց, որ եթե նախկինում կարծում էին` Սևանի ջրի մակարդակի 6 մետր բարձրացումը կարող էր Սևանի` որակական փոփոխության բերել, սակայն կեղտաջրերի մեծ հոսքի պայմաններում արդեն այդ լուծումը բավարար չէ։
Ձկները փախել են, փողերը` յուրացվել. Սևանի իշխանի ծրագրով քրգործ է հարուցվել
«Սևանի հետ կապված երկու կարևոր հարց ունենք` մակարդակի բարձացում և կեղտաջրերի հոսքի նվազեցում։ Սևանն ունի 25-30 տարվա մաքրման ցիկլ, և 1-2 տարվա մեջ էական փոփոխություն ակնկալել չենք կարող»,–հայտնեց նախարարը։
Ջրառը կրճատվել է, Սևանա լճի մակարդակը` բարձրացել. նախարար
Հիշեցնենք, որ ավելի վաղ Էրիկ Գրիգորյանը հայտնել էր, որ Սևանա լճի ծաղկումը պայմանավորված էր օրգանական նյութերի քանակով, մասնավորապես, լճում ֆոսֆորի պարունակությամբ։ Սա, ըստ նախարարի, առաջանում էր ինչպես համայնքներից, այնպես էլ ափամերձ տարածքներից լիճը լցվող կեղտաջրերից ու բարձր ջերմաստիճանից։