ԵՐԵՎԱՆ, 25 դեկտեմբերի — Sputnik. Երևանի ավագանին հաստատեց 2020 թվականի բյուջեն. եկամուտների գծով նախատեսվում է 107,146,776.0 հազար դրամ, ծախսերի գծով՝ 116,259,587.5 հազար դրամ, իսկ դեֆիցիտը կկազմի 9,112,811.5 հազար դրամ։
Փոխքաղաքապետ Հայկ Սարգսյանը, նշեց, որ 2019-ի բյուջեի եկամուտները սահմանվել են 83,77 մլրդ դրամ.
«Ծրագրված եկամուտները գերազանցում են 2018-ի փաստացի հավաքագրված ընդհանուր եկամուտները 38,4 մլրդ դրամով կամ 56 տոկոսով: 2019 թվականին քաղաքի սեփական մուտքերը կազմել են 29 տոկոս, իսկ 2020-ին կկազմեն 32,6 տոկոս: Սա խոսում է համայնքի անկախության ցուցանիշի աճի մասին»,–ասաց նա:
2020 թվականի բյուջեի ծախսային մասի 90,3 տոկոսը բաժին է ընկնում ընթացիկ ծախսերին: Նախագծի ծախսային մասը 2019-ի հաստատված բյուջեից ավել է 31,9 մլրդ դրամով. 20,8 մլրդ դրամը բյուջեով նախատեսված ցուցանիշի ավելացումն է որպես պատվիրակված լիազորություն:
2020 թվականի բյուջեի ծախսերի մեջ սոցիալական ոլորտի ծախսերը կազմում են 31,8 տոկոս, տրանսպորտի ոլորտի ծախսերը՝ 19,5, շրջակա միջավայրի ծախսերը՝ 17,3 տոկոս:
Պետությունը որքան գումար է ծախսել Ամանորի համար 2014-19 թթ.
Կառավարման մարմնի պահպանման համար նախատեսվել է 9,4 մլրդ դրամ կամ ծախսերի 8,2 տոկոս, որից աշխատավարձի ֆոնդը կկազմի 5,5 մլրդ դրամ, պարգևատրման ֆոնդը՝ 1.89 մլրդ դրամ:
Հայաստանի արտաքին պարտքը 2020 թ.-ին կտրուկ կփոխվի. Ֆինանսների նախարարության պարզաբանումը
Նշենք, որ 2019 թվականին Երևանի բյուջեն եկամուտների գծով կազմել էր 83,077,572.0 հազ. դրամ, ծախսերի գծով՝ 84,346,812.0 հազ. դրամ, իսկ դեֆիցիտը (պակասուրդը) կազմել էր 1,269.240 հազ. դրամ։