ԵՐԵՎԱՆ, 24 դեկտեմբերի – Sputnik. Հանրահայտ դիմահարդար Գոհար Ավետիսյանը Instagram սոցիալական ցանցի իր էջում նոր լուսանկար է հրապարակել իր մայրիկի հետ և շնորհավորել նրա տարեդարձը։
«Ծնունդդ շնորհավոր, իմ թագուհի։ Իմ անսահման ու ամենամաքուր սեր։ Կանացի, նուրբ, բարի, տիեզերական արարած, որը ոսկի ձեռքեր ունի ամենասիրուն ու մաքուր հոգին ունի։ Եվ այս ամենը դու ես, մամ, հավերժ ապրիր»,–լուսանկարին կից գրել է դիմահարդարը։
Նրա հետևորդները ևս միացել են շնորհավորանքներին։ Նրանք Գոհարի մայրիկին առողջություն ու երկար տարիների կյանք են մաղթել, նաև շնորհակալություն հայտնել, որ նման դուստր է դաստիարակել։
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
«Շնորհավորում եմ, դուք երջանիկ մայրիկ եք, որ նման դուստր եք դաստիարակել», «Հրաշք եք, առողջ եղեք»,–գրել են հետևորդները։
Գոհար Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան հինգ միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։
Գոհարն ինքնուրույն է հասել հաջողության, նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:
Գոհար Ավետիսյանին այնպես են դիմավորել ԱՄՆ–ում, որ նա արտասվել է. տեսանյութ
Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը: 2012թ.-ին սկսել է դասախոսել, դիմահարդարման վարպետության դասեր անցկացնել, իսկ հիմա նա Մոսկվայի կենտրոնում սեփական դպրոց և ստուդիա ունի:
2019 թվականին Գոհարը որոշեց նաև երգել։ Նա արդեն երկու տեսահոլովակ է թողարկել։