Խաչատուր Խաչատրյանի խոսքով` նախագծի ընդունմամբ ՀՀ Սահմանադրության և «Տեղեկատվության ազատության մասին» օրենքի համապատասխան դրույթների շրջանակում շրջակա միջավայրին վերաբերող տեղեկատվությունը տնօրինող սուբյեկտին հանրային շահն ու անվտանգությունը պաշտպանելու հնարավորություն կընձեռվի՝ ոլորտին վերաբերող խնդիրների կարգավորման հարցում:
«Խոսքը որոշակի հազվագյուտ կենդանատեսակների բնադրավայրերի ու ձվադրավայրերի վերաբերյալ տեղեկատվության մասին է, ինչի տրամադրումը շրջակա միջավայրի անվտանգության պահպանության տեսանկյունից կարող է լինել խնդրահարույց»,–ասում է Խաչատրյանը:
Նրա համոզմամբ՝ կարգավորումը բխում է Օրհուսի կոնվենցիայից, որը ՀՀ-ն արդեն իսկ վավերացրել է: Փոփոխությամբ փորձ է արվում կարգավորումներ մտցնել, որոնց շնորհիվ Շրջակա միջավայրի անվտանգությունը որոշ չափով կբարձրացվի: Այսինքն՝ հաշվի է առնվում տեղեկության մատչելիության այն մակարդակը, որը կարող է հնարավոր հետևանքներ ունենալ Շրջակա միջավայրի անվտանգության հարցում:
Մելիքյան. «Պետական մարմիններն ուզում են ընդլայնել գաղտնիք ունեցող տեղեկությունների ցանկը»
«Ցանկացած փոփոխության ժամանակ կարևոր է հասկանալ ակնկալվող արդյունքը, այն էֆեկտը, որ ունենալու է փոփոխությունը հանրային շահի տեսանկյունից: Եթե ընդունենք, որ ինչ-որ առումով տեղեկատվության ազատության որոշակի սահմանափակում է մտցվում, ինչը համահունչ է Օրհուսի կոնվենցիային, սակայն մյուս կողմից էլ սա իրավունքների պաշտպանության մակարդակի բարձրացում է»,- նշում է նախարարության իրավաբանական վարչության պետը:
Շների սպանության հերթական դեպքը Դիլիջանում. Կազանին ու ձագին կողք կողքի սատկած են գտել
Խաչատուր Խաչատրյանի փոխանցմամբ՝ նախարարությունը ցանկություն չունի հեշտացնել իր աշխատանքը, միակ ցանկությունը շրջակա միջավայրի առավել բարձր պահպանության մակարդակի ապահովումն է: