ԵՐԵՎԱՆ, 19 դեկտեմբերի - Sputnik. Ռուսաստանի նախագահ Վլադիմիր Պուտինը կարծում է, որ Չեչնիայից Վրաստան ճանապարհ կառուցելը նպատակահարմար է։ Այդ մասին նա ասել է այսօր` դեկտեմբերի 19–ին, մեծ ասուլիսի ընթացքում։ Պուտինը նշել է, որ առայժմ նախագիծը չի մտնում Ռուսաստանի տրանսպորտի նախարարության գործնական ծրագրերի մեջ։
Կա տեղական և կա ռեգիոնալ հովանավորչություն. ԵԱՏՄ պաշտոնյան խոսել է «Վերին Լարսի» խնդրից
Ճանապարհի թեման բավական հետաքրքիր է նաև Հայաստանի համար։ Վրաստանը և Ռուսաստանը կապող այլընտրանքային ճանապարհը տրանսպորտային «փրկություն» կլիներ Հայաստանի համար, որը հիմա կախված է «Կազբեկի» – «Վերին Լարս» անցակետով փոխադրումներից։ Բայց անբարենպաստ եղանակային պայմանների արդյունքում ժամանակ առ ժամանակ խնդիրներ են ծագում այդ երթուղում։
Ի դեպ, այդ դժվարությունների մասին խոսել է նաև Պուտինը։
Լարսի այլընտրանք լաստանավային ուղին. վրացի փորձագետն ասել է` որ դեպքում այն կգործարկվի
«Այնտեղ իսկապես Վրաստանի հետ հաղորդակցության խնդիրներ կան, հատկապես ձմռանը, երբ ամեն ինչ թաղված է ձյան տակ։ Մենք գիտենք դա»,–ասել է նա։
Թեև ՌԴ տրանսպորտի նախարարության ծրագրերի մեջ շինարարությունը չի մտնում, սակայն Պուտինն այն լիովին իրագործելի է համարում։ Նա հաղորդել է նաև, որ Ռուսաստանի հարավում, այդ թվում` Չեչնիայի Հանրապետությունում, կան ենթակառուցվածքը զարգացնելու մի քանի նախագծեր, և դրանք բոլորն ուսումնասիրվում են։