ԵՐԵՎԱՆ, 17 դեկտեմբերի — Sputnik. Հայտնի երգիչներ Միհրան Ծառուկյանն ու Արփի Գաբրիելյանը հարսանյաց արարողությունից հետո մեկնել են Մալդիվյան կղզիներ, որտեղ վայելում են իրենց մեղրամիսը։ Արփին իր Instagram-ի էջում նոր լուսանկար և տեսանյութ է հրապարակել մեղրամսից` ուրախացնելով երկրպագուներին։
«Երջանիկ լինեք ու միշտ միասին։ Եզակի զույգերից եք, որ իրար շատ սազում եք»,«Իրար համար եք ստեղծված», «Մաղթում եմ ձեզ երջանկություն ու հավերժ սեր»,«Իդեալական զույգ եք»,–լուսանկարի մեկնաբանություններում գրել են նրանց հետևորդները։
Հիշեցնենք, որ դեկտեմբերի 14-ին Միհրան Ծառուկյանն ու Արփի Գաբրիելյանն ամուսնացել են: Պսակադրությունը տեղի է ունեցել Էջմիածնի սուրբ Գայանե եկեղեցում։ Հարսանիքին ներկա են եղել միայն զույգի մտերիմները։
«Սոնայի սիրտը ո՞նց կարող է ազատ լինել». երգչուհին պատմել է իր անձնականի ու ծրագրերի մասին
Ավելի վաղ` նոյեմբերի 17-ին, համերգի ժամանակ Միհրանը Արփիին ամուսնության առաջարկ էր արել։ Նա Արփիի հետ զուգերգից հետո բեմ էր հրավիրել տղաների, որոնք իրենց հետ բերել էին վարդերի 7 մեծ փունջ։ Մինչ Արփին զարմացել ու անակնկալի էր եկել ծաղկեփնջերից, Միհրանը գրպանից հանել էր մատանին ու ցույց տվել հանդիսատեսին, հետո մոտեցել էր Արփիին ու ամուսնության առաջարկ արել նրան։