ՀՀ կառավարության առաջարկած «Ապօրինի ծագում ունեցող գույքի բռնագանձման մասին» առաջին հերթին վերաբերում է պաշտոնատար անձանց կոռուպցիոն բնույթի գործառույթներին։ Քննության շրջանակում դիտարկվելու է ոչ միայն տվյալ անձի, այլև նրա հետ փոխկապակցված անձանց պատկանող գույքը։ Դրա օրինական ծագումը չապացուցելու պարագայում անձը զրկվում է գույքից, պետությունն իրավունք է ստանում բռնագանձել այն։ Այս մասին Sputnik Արմենիայի հետ զրույցում ասաց Արդարադատության նախկին փոխնախարար Տիգրան Խաչիկյանը։
«Նախագծի գրեթե բոլոր կետերում առկա են խնդրահարույց իրավակարգավորումներ, որոնք գեներացնում են հայեցողական հսկայական ռիսկեր՝ սկսած իրավասու մարմնից (քանի որ գլխավոր դատախազությանն է գործառույթը վերապահվում), վերջացրած իրացման ընթացակարգային դրույթներով: Բոլորը խոցելիության անասելի բաղադրիչ են պարունակում և պետք է շտկվեն»,- ասաց նախկին փոխնախարարը:
Խաչիկյանի գնահատմամբ՝ հույս կար, որ այս ժամանակահատվածը կօգտագործվեր նախագիծը լրամշակելու համար, բայց փաստ է, որ նախագիծը որևէ կերպ չի մշակվել, ներառում է այնպիսի դրույթներ, որոնք ուղղակիորեն խոչընդոտում են արդյունավետ հակակոռուպցիոն ռազմավարություն առաջ տանելուն:
Խոսելով կոնկրետ մեկ-երկու վիճահարույց կետերի մասին՝ Խաչիկյանը նախ նշեց, որ այս պահի դրությամբ դատախազությանն այդ իրավասությամբ օժտելը մեղադրանքի վարույթի նշանակություն է տալիս, այլ կերպ ասած՝ վարույթին տալիս է մեղադրանքի ընկալում, ինչը որևէ կերպ չի տեղավորվում պետական շահի պաշտպանության հայցի հարուցման շրջանակում, հետևաբար դատախազությունը չպետք է օժտված լինի նման իրավասությամբ:
«Օֆշորի արքայի» գործով նոր մանրամասներ են հայտնի դարձել. «Ժողովուրդ»
Եվ երկրորդ՝ որպես նվիրատվություն ձեռք բերված գույքի նկատմամբ այդ իրավակարգավորումը, Խաչիկյանի համոզմամբ, խնդրահարույց է, որովհետև գործում է գույքի ապօրինի ծագում ունենալու կանխավարկածը և գույք ձեռք բերողը պարտավոր է որպես նվիրատվություն ձեռք բերված գույքի առնչությամբ հիմնավորել, որ իրեն նվեր տվողն այդ գույքը ձեռք է բերել օրինական միջոցներով:
Մանվել Գրիգորյանը հետ է ուզում իր խանութները. պաշտպանները միջնորդություն են ներկայացրել
Նախագծի գաղափարն, ըստ Խաչիկյանի, ինքնին ակնհայտորեն ճշմարիտ է, ողջունելի է, բայց օրենքն այս տեսքով առնվազն խաթարում է վարչապետի ու կառավարության ծրագրային հենքը: