ԵՐԵՎԱՆ, 15 դեկտեմբերի — Sputnik. Այսօր՝ դեկտեմբերի 15-ին, «ԱՐԵԳԱԿ» Ունիվերսալ վարկային կազմակերպություն» ՓԲԸ-ի «Աբովյան» մասնաճյուղում գողություն է տեղի ունեցել, որը սակայն ոստիկանների օպերատիվ գործողությունների արդյունքում ավարտին չի հասցվել։ Այս մասին հայտնում է shamshyan.com–ը։
Ժամը 05։30-ի սահմաններում ոստիկանության Աբովյանի պահպանության բաժնի ծառայողները ծառայություն իրականացնելու ժամանակ օպերատիվ տեղեկություն են ստացել, որ Հատիսի փողոցի 1/7 հասցեում գործող «ԱՐԵԳԱԿ» վարկային կազմակերպությունից գողություն է կատարվում։
Դեպքի վայր հասած ոստիկանները նկատել են երկու անձի, որոնք փախուստի են դիմել, իսկ երրորդին ոստիկանները հետապնդելով, կարողացել են վնասազերծել։
Երևանում անհայտ անձը ներկայացել է սոցապի աշխատակից և թալանել 88-ամյա ծերունուն
Փաստի առթիվ հարուցվել է քրեական գործ։ Ոստիկաններն ու քննիչները դեպքի վայրում հայտնաբերել են նշված մասնաճյուղի ապակե դռան կոտրված փականը։ Աղբյուրի տեղեկություններով՝ փախուստի դիմած ու գողության կասկածանքով բռնվածը Կոտայքի մարզի Քասախ գյուղի բնակիչ՝ 19-ամյա Գոռ Ասլանյանն է, որը քննիչի որոշմամբ որպես կասկածյալ, ձերբակալվել է։ Դեպքի վայրում ոստիկաններն ու քննիչները հայտնաբերել են հանցագործության գործիք «բոլգարկա», դիմակ, երկաթե լինգ, դանակ, որոնք քննիչի որոշմամբ առգրավվել են։
Երևանում զենքով հարձակվել են «Ֆլեշ» բենզալցակայաններից մեկի վրա
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական գործողություններ՝ դեպքի վայրից փախուստի դիմած մյուս 2 հանցագործների ինքնությունը պարզելու, նրանց հայտնաբերելու ուղղությամբ։