ԵՐԵՎԱՆ, 14 դեկտեմբերի — Sputnik. Երգչուհի և դերասանուհի Ջենիֆեր Լոպեսն իր շրջագայության շրջանակում անցկացվող շոուի ժամանակ երկրպագուներին ցնցել է ոչ միայն իր երգով ու պարով, այլև․․․ մորով։
Ավելի ճիշտ` 74-ամյա Գվադելուպե Լոպեսն ինքն է ցնցել բոլորին՝ պարելով դստեր հիթի տակ։
Ջենիֆերը մոր պարի տեսանյութը հրապարակել է Instagram-ում և հուզիչ գրառում արել։ Պարզվում է՝ մայրը նշում է 74-ամյակը։
Հիմա ամենահարուստն ենք. երգչուհի Էմմին առաջին անգամ ամուսնու հետ լուսանկար է հրապարակել
«Մարդիկ ինձ հաճախ են հարցնում՝ որտեղից ինձ այդքան էներգիա, որտեղից եմ վերցնում պարերի շարժումները։ Հիմա դուք գիտեք», - գրել է Ջեյ Լոն։
Նրա խոսքով` որքան իրեն հիշում է, մայրը պարում է։
«Նա միշտ պարել է, ծիծաղել ու իր հետ լույս բերել ամեն տեղ, ուր գնացել է։ Նա երիտասարդության ու առույգության մարմնավորում է ցանկացած տարիքում։ Սիրում է երաժշտություն, կինո, պատմություն, մյուզիքլներ․․․Ու այդ ամենը նաև ինձ է փոխանցել։ Ինձ դարձրել է այն, ինչ ես կամ։ Այսօր դու 74 տարեկան ես դառնում, մայրիկ։ Անասելի գեղեցիկ ես, կենդանի ու պարում ես թինեյջերի պես»։
«Թող բոլոր փայտերը քեզ նման լինեն». երգչուհի Լիլուն պատրաստվում է իր հարսանիքին. տեսանյութ
Տեսանյութում երևում է, որ սկզբում Գվադելուպե Ռոդրիգեսն ամաչում է, բայց հետո բեմ է դուրս գալիս ու դստեր պես ոգևորությամբ պարում։ Իսկ անսպառ եռանդով լի Ջենիֆերի հետ համեմատվելը հեշտ բան չէ։
Աստղային համարից հետո Գվադելուպեի տորթը հենց բեմ են բարձրացրել։
«Քիմ Քարդաշյանը, այս ֆանտաստիկ կինը...». Նաիրա Զոհրաբյանը գրառում է արել