Հանրակրթության պետական չափորոշիչների վերանայման գործընթացի շրջանակում կրթության, գիտության, մշակույթի և սպորտի նախարարությունը վերանայում է նաև «Շախմատ» առարկայի դասավանդման մեթոդիկան ու ուսումնական ծրագիրը։ Sputnik Արմենիայի հետ զրույցում այս մասին ասաց ՀՀ ԿԳՄՍ փոխնախարար Արևիկ Անափիոսյանը։
«Փորձում ենք հասկանալ, թե ինչու է ներդրված եղել մինչև 4-րդ դասարան և հետո չկա։ Արդյո՞ք դադարում ենք հետո շախմատ խաղալ։ Բայց ունենք մի խումբ աշակերտներ, որոնք շատ մեծ ոգևորությամբ են այդ դասընթացին գնում։ Մենք գուցե խնդիր ունենք դրա դասավանդման մեթոդի հետ։ Քննարկումներ կան` արդյոք սա մանկավարժական առարկա՞ է, թե՞ ոչ»,– ասաց Անափիոսյանը։
Փոխնախարարը հայտնեց, որ Երևանի Խաչատուր Աբովյանի անվան Մանկավարժական համալսարանում այժմ ուսումնասիրություններ են արվում շախմատի դասավանդման մեթոդների վերաբերյալ։
Դպրոցական դասագրքերը կփոխվեն. առաջինը նոր գրքերով կսովորեն Տավուշի աշակերտները
Առարկան դպրոցական ծրագրից հանելու հարցին Արևիկ Անափիոսյանը պատասխանեց. «Հանելու որոշում հիմա հաստատ չունենք»։
Հիշեցրենք` «Շախմատը» Հայաստանի դպրոցներում դասավանդվում է 2011 թվականից 1-4 դասարաններում։
Դպրոցական դասագրքերը կփոխվեն. առաջինը նոր գրքերով կսովորեն Տավուշի աշակերտները