ԵՐԵՎԱՆ, 11 դեկտեմբերի-Sputnik. Աշխարհում առաջին ամբողջությամբ էլեկտրականությամբ աշխատող առևտրային ինքնաթիռը կատարել է իր առաջին թռիչքը Կանադայի Բրիտանական Կոլումբիա նահանգում: Այդ մասին տեղեկացնում է Harbour Air-ը:
Թռիչքը հնարավոր է դարձել երկու ընկերությունների՝ Harbour Air-ի՝ Հյուսիսային Ամերիկայում հիդրոինքնաթիռներ արտադրող խոշորագույն ավիաընկերության, ինչպես նաև ավիացիայի ոլորտում հեղափոխություն իրականացնող magniX ընկերության համատեղ ջանքերի շնորհիվ:
Ինչպես են հայ հետախույզները ՆԱՏՕ–ի ինքնաթիռով հասել ԱՄՆ. դրվագներ Վարդանյանների կյանքից
«Այսօր հայտարարվել է ամբողջովին էլեկտրականությամբ աշխատող աշխարհում առաջին առևտրային ինքնաթիռի հաջող թռիչքի մասին: Այն ուժեղացված է 750 ձիաուժ հզորությամբ magni500 շարժիչով։ Այդ պատմական թռիչքը նշանավորում է երրորդ՝ էլեկտրական դարաշրջանի սկիզբն ավիացիայում»,-ասված է հաղորդագրության մեջ:
Տեղեկացվում է, որ ինքնաթիռը վարել Է Harbour Air-ի գլխավոր տնօրեն և հիմնադիր Գրեգ Մաքդուգալը: Նրա խոսքով՝ այդ թռիչքը «մտել է պատմության մեջ»։
«Արդյոք ովքե՞ր են, հե՛յ»․ հայերն ինքնաթիռում իսկական համերգ են կազմակերպել․ տեսանյութ
Ընկերությունից հավաստիացրել են, որ ինքնաթիռի շարժիչը ինքնաթիռների սնուցման մաքուր և արդյունավետ եղանակ է ապահովում։