ԵՐԵՎԱՆ, 10 դեկտեմբերի — Sputnik. 2020–ի հունվարի 1–ից` Նոր տարվա զանգերը խփելուց հետո ՀՀ–ում ՀԴՄ չխփելու որևէ դեպք չի լինելու։ Այս մասին Facebook սոցիալական ցանցի իր էջում ուղիղ եթերի միջոցով հայտնեց վարչապետ Նիկոլ Փաշինյանը։
«Ժամը 12։00–ին գալու է Նոր տարին և գալու է նոր մոտեցում` ՀԴՄ –ն խփելու վերաբերյալ։ 2019–ին հունվար–նոյեմբերին, 2018–ի նույն ժամանակահատվածի համեմատ, դուրս է գրվել 106 մլն 609 հազար 299 ՀԴՄ կտրոնով ավել։ Այդ ՀԴՄ–ների «շնորհիվ» առևտրաշրջանառությունն ավելացել է 303 մլրդ դրամով»,–ասաց վարչապետը։
Նրա խոսքով` սկզբունքորեն սրանք վատ ցուցանիշներ չեն, սակայն պետք է հասկանալ` գո՞հ ենք ընդհանուր ցուցանիշներից ու բոլո՞ր գործարքներն են արվում ՀԴՄ թողարկմամբ։ Ըստ Փաշինյանի`բոլորը գիտեն, որ կա հսկայական ստվերային առևտրաշրջանառություն։
Հանդիպում նախագահականում. ինչ են քննարկել Փաշինյանն ու Սարգսյանը. տեսանյութ
Փաշինյանը նշեց նաև, որ իրականում այս արդյունքներից գոհ են, սակայն ավելի բարձր նշաձող պետք է ունենալ։
Հիշեցնենք` ՀԴՄ–ների ներկրումն ու վաճառքն ազատականացնող որոշումը ՀՀ կառավարությունն ընդունել է 2019թ–ի մայիսին։ Դրանից հետո, սակայն, տնտեսվարողները բարձրաձայնեցին ՀԴՄ սարքերի դեֆիցիտի մասին։
Փաշինյանը չի ներելու ո՛չ թիմի անդամներին, ո՛չ մերձավորներին
Դեռ նոյեմբերի 14–ին ՀՀ ՊԵԿ նախագահ Դավիթ Անանյանը նշել էր, որ դեֆիցիտը դեռ հաղթահարված չէ։ Նա հայտնել էր, որ ոլորտի ազատականացման որոշման ընդունման պահին ՊԵԿ–ում առկա էր պահանջարկը 3 անգամ գերազանցող ՀԴՄ–ներ։ Հետո պահանջարկի տեմպերն աճել են ու դեֆիցիտ է գոյացել։