ԵՐԵՎԱՆ, 7 դեկտեմբերի – Sputnik. Այսօր ոստիկանությունը հաղորդում է ստացել, որ նոյեմբերի 30-ին ժամը 23։20 սահմաններում «Սուրբ Գրիգոր Լուսավորիչ» բժշկական կենտրոնում 1,5 ամսական աղջիկ է մահացել։ Այս մասին Sputnik Արմենիային հայտնեց հիվանդանոցի մեր աղբյուրը։
Երեխան մահացել է «շնչառական խանգարումներ» ախտորոշմամբ։
«Հազիվ էի ինձ զսպում, որ այդ ծնողներին գտնելուց հետո չապտակեմ»․ Տիգրանուհի Կարապետյան
Shamshyan.com-ի տեղեկություններով`ոստիկանություն հաղորդում է ներկայացրել երեխայի մայրը` 26-ամյա Անահիտ Ե-ն, որը ոստիկաններին հայտնել է, որ երեխան հանկարծամահ է եղել բժիշկների մասնագիտական պարտականությունները ոչ պատշաճ կատարելու հետևանքով։
Ոստիկանության Նոր Նորքի բաժնի հետաքննչական բաժանմունքում դիմումի փաստով նյութեր են նախապատրաստվում։