ԵՐԵՎԱՆ, 5 դեկտեմբերի — Sputnik. Օրերս կլրանա հայտնի ռոք երաժիշտ, կոմպոզիտոր և երգիչ Գարիկ Սուկաչովի 60-ամյակը։ Այդ առիթով «Ստոլիցա» լրատվական գործակալությունը արտիստի հետ հարցազրույց է հրապարակել։
Հարցազրույցում Սուկաչովը անդրադարձել է նոյեմբերի 7-ին թողարկած իր վերջին «246» ալբոմին։ Երգիչը պատմել է երգերի ձայնագրության ժամանակ օգտագործած բացառիկ գործիքների մասին։
«Ստեղծագործություններից մեկի տակ մենք առանձին ենք ընտրել գործիքները։ Այդ երգի հեղինակն անհայտ է։ Փողոցում ինձ երկու մարդ մոտեցան, հայեր էին, որոնք աշխատում էին շինարարության մեջ։ Նրանցից մեկն ասաց` ընկերս բանաստեղծություններ է գրում, կարելի՞ է` մեկը կարդա։ Ես միացրի դիկտոֆոնը։ Իսկ հետո նրանք հեռացան, իսկ ես նրանց հետևից ասացի` հազվադեպ եմ ճանապարհիս հանճարներ հանդիպում, շնորհակալություն»։
«Գրեմմիի» դափնեկիրների անունները հայտնի են. Գագան ու Գամբինոն մի քանի արձանիկ ստացան
«246» ալբոմում ներառվել է «246 քայլ», «Փոքրիկ աղջիկ», «Տանգո Հիտանես», «Սովորեցրու ինձ ապրել», «Ցտեսություն, մայրիկ», «Էլեգիա» և «Իսկ ո՞վ ասաց» երգերը։
Արտիստը չի պարզաբանել, թե այս երգերից որ մեկի մասին էր խոսքը։ Սուկաչովը բացատրել է, որ իր նոր ալբոմի անվանումը «246» է ընտրել, քանի որ այն տնից, որտեղ նախկինում ապրում էր, մինչև մետրոյի կայարանը ուղիղ 246 քայլ է։
«Սև-մութ ամպեր» հայկական ժողովրդական երգը և ռոք-բարեգործությունը
«246-ը» ռոք երաժիշտի տասներորդ ալբոմն է։ Երաժշտությունից բացի Սուկաչովը նկարահանվել է նաև կինոյում և հանդես եկել որպես երեք ֆիլմի ռեժիսոր և սցենարիստ։ Դրանցից մեկը ստեղծելու համար Սուկաչովն ու նրա նկարահանող թիմը գումար էին հավաքում Արբատի վրա։ Այդ ֆիլմը 1970-ականներին ԽՍՀՄ–ում հիպիների շարժման մասին պատմող գեղարվեստական «Արևի տուն» ֆիլմն էր։