ԵՐԵՎԱՆ, 5 դեկտեմբերի — Sputnik. Հայերը հերթ կանգնել չեն սիրում։ Այս մասին ՀՀ կառավարության նիստի մեկնարկին ասաց վարչապետ Նիկոլ Փաշինյանը։
«Երբ որ մի սուբյեկտի, բնակավայրի խնդիր լուծում ենք, չուզող հարևանի հոգեբանությամբ ի հայտ է գալիս մի բնակավայր, սուբյեկտ, որն ասում է` էդ ինչո՞ւ իրենց հարցը լուծեցիք և ոչ թե մերը»,– ասաց Փաշինյանը։
Նրա խոսքով` սա սոցիալ–հոգեբանական խնդիր է։ Բայց 30 տարի կուտակված խնդիրները մեկ գործողությամբ հնարավոր չէ լուծել։
«Հայաստանն առանձնապես միշտ էլ ուժեղ չի եղել հերթ կանգնելու հարցում։ Երբ որ մի ծառայություն է մատուցվել, բոլորը հնարավորինս շուտ վազել են ու բռնել այդ ծառայությունը մատուցողի կոկորդից, որպեսզի առաջինը հենց իրենց մատուցի»,– նշեց նա։
Զինվորը հենակետում պետք է զգա կառավարության, ժողովրդի, hայրենիքի ներկայությունը. Փաշինյան
Վարչապետը կոչ արեց հրաժարվել «զոռբայության» ավանդույթից։
«Հերթ կանգնեք, ժողովուրդ ջան, մենք բոլոր հարցերն էլ լուծելու ենք, բայց հերթով»,– ասաց նա,– մեկի հարցը լուծում ես, մյուսը գալիս, կառավարության դիմաց է պառկում։ Ինչքա՞ն կարելի է»։
Հայաստանը կշարունակի մարդասիրական օգնություն ցուցաբերել Սիրիայի ժողովրդին. Փաշինյան
Որպես օրինակ Փաշինյանն անգամ անեկդոտ հիշեց. «Իմ դարդը քիչ էր, հարևանս էլ «06» է շահել»։
Վարչապետի խոսքից հետո կառավարությունն անցավ օրակարգում ներառված հարցերի քննարկմանը։