ԵՐԵՎԱՆ, 4 դեկտեմբերի — Sputnik. Հոդվածի սկզբում «Հրապարակը» հիշեցնում է, որ երբ նախօրեին գործարար Խաչատուր Սուքիասյանին հարցրին` կիսում է Ծառուկյանի կարծիքը, թե հիմա Հայաստանում չկան բավարար պայմաններ ներդրումների համար, պատասխանել է, թե չի կիսում։
«Երեկ Գագիկ Ծառուկյանն արձագանքել է խնամու ասածին․ «Ես դոկումենտալ եմ ասում, ոչ թե հաճոյանում եմ»` այդպիսով ակնարկելով, որ Սուքիասյանը հաճոյանում է Նիկոլ Փաշինյանին։ Մենք տեղեկացանք, որ այս հրապարակային վեճը լուրջ կոնֆլիկտի միայն երևացող մասն է։ Խնամիների հարաբերությունները խիստ լարվել են Սուքիասյանի նախօրեի հարցազրույցից հետո, և երբ վերջինս փորձել է հարթել իրավիճակը, Գագիկ Ծառուկյանն անգամ հեռախոսին չի պատասխանել `ւ մերձավոր շրջապատում ասել է՝ բախտս չբերեց, էլի, խնամիների հարցում»,–գրում է թերթը:
Հիշեցնենք, որ դեկտեմբերի 2–ին Աբովյանում բացվեց ադամանդի վերմշակման գործարանը, որին մասնակցում էին նաև ՀՀ վարչապետ Նիկոլ Փաշինյանը, գործարարներ Գագիկ Ծառուկյանն ու Խաչատուր Սուքիասյանը։
«Բոլորն ուզել են փայ մտնեն, բոլորը». ո՞ւմ է պատկանում Աբովյանի ադամանդի գործարանը