ԵՐԵՎԱՆ, 4 դեկտեմբերի — Sputnik. Երևանի Կոմիտասի պողոտայի և Վաղարշյան փողոցի խաչմերուկում Opel Vectra մակնիշի ավտոմեքենան բախվել է շտապօգնության ծառայության մեքենային: Առկա է եղել գազի արտահոսք: Այս մասին հայտնում են ԱԻՆ մամուլի ծառայությունից։
Դեպքը տեղի է ունեցել դեկտեմբերի 3-ին, ժամը 23:00-ին։ Օգնության են հասել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և աղետների բժշկության կենտրոնի հերթապահ բժիշկը:
Փրկարարները հոսանքազրկել են Opel Vectra մակնիշի ավտոմեքենան, իսկ շտապօգնության մեքենայում գտնվող հիվանդը քաղաքացիների ուժերով տեղափոխվել է «Սուրբ Աստվածամայր» ԲԿ: