ԵՐԵՎԱՆ, 2 դեկտեմբերի — Sputnik. Իրանի արտգործնախարար Մոհամադ Ջավադ Զարիֆը Եվրամիության երկրներին կոչ է արել ընկերություններին թույլ տալ կարևոր դեղորայքը մատակարարել ԻԻՀ բնակիչներին։
Իրանում զանգվածային ցույցեր են. ԱՄՆ–ն աջակցում է բողոքի ակցիայի մասնակիցներին
Զարիֆի տեսանկյունից` սպառնալիքներից և թղթի վրա գրված դատարկ խոստումներից բացի, «ԵՄ–ն պետք է ինչ–որ հասարակ մի բանից սկսի»։ Օրինակ, եվրոպացիները պետք է կատարեն իրենց «նվազագույն մարդկային պարտքը»։
«Թող Mölnlycke Health Care–ը (դեղերի շվեդական արտադրող,–խմբ.) կսկսի ապրանքներ վաճառել, որոնց շնորհիվ բուլյոզային էպիդերմոլիզով հիվանդ իրանցի երեխաները կկարողանան մշակել իրենց վերքերը», – գրել է նախարարը Twitter–ի իր էջում։
Ավելի վաղ Զարիֆը Իրանի դեմ ԱՄՆ պատժամիջոցները «տնտեսական ահաբեկչություն» էր որակել։
Որքան վատ են Թուրքիայի և ԱՄՆ–ի հարաբերությունները, այնքան շահում են Երևանը և բոլորը
ԱՄՆ–ի և Իրանի հարաբերությունները կտրուկ սրվել էին այն բանից հետո, երբ Վաշինգտոնը հայտարարեց «միջուկային գործարքից» դուրս գալու մասին։ Ամերիկայի իշխանությունը տնտեսական խիստ պատժամիջոցներ մտցրեց և շարունակում է ուժեղացնել ճնշումը։ Վաշինգտոնի նպատակը` Թեհրանի «վարքագիծը փոխելն» է։ ԱՄՆ–ն նաև ահաբեկչական կազմակերպություն է հայտարարել Իսլամական հեղափոխության պահակների կորպուսին։
Դրան ի պատասխան` Իրանն ԱՄՆ ԶՈւ կենտրոնական հրամանատարությանը (CENTCOM) ահաբեկչական կազմակերպություն է ճանաչել, իսկ Միացյալ նահանգները` «ահաբեկչությանը ֆինանսավորող պետություն»։