ԵՐԵՎԱՆ, 2 դեկտեմբերի — Sputnik. Դեկտեմբերի 4-ին Բրատիսլավայում կկայանա Հայաստանի և Ադրբեջանի ԱԳ նախարարների հանդիպումը։ Այս մասին հայտնում է ՀՀ արտաքին գործերի նախարարությունը։
«Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը կկայանա ԵԱՀԿ 26-րդ նախարարական խորհրդաժողովի շրջանակներում»,–նշված է ԱԳՆ–ի հայտարարության մեջ։
Նշվում է նաև, որ երկու երկրների արտգործնախարարի հանդիպումը տեղի կունենա ԵԱՀԿ Մինսկի խմբի համանախագահների միջնորդությամբ և մասնակցությամբ։
Նախարարը դրական է գնահատում լրագրողների այցն Ադրբեջան. ովքե՞ր կգնան հաջորդ փուլում
Հիշեցնենք, որ Հայաստանի և Ադրբեջանի ԱԳ նախարարներ Զոհրաբ Մնացականյանը և Էլմար Մամեդյարովը վերջին անգամ հանդիպել էին սեպտեմբերի 24–ին Նյու Յորքում: