ԵՐԵՎԱՆ, 30 նոյեմբերի – Sputnik. Այսօր լուսադեմին սարսափելի վթար է տեղի ունեցել Արտաշատի խճուղում։ Sputnik Արմենիայի տեղեկություններով` «Մերսեդես» մակնիշի մի ավտոմեքենա, Երևանի ուղղությամբ ընթանալիս, մխրճվել է ճանապարհին ոստիկանության անշարժ պահակետի մեջ, որը տեղակայված է Նորագավիթի սկզբնամասում և արդեն մի քանի տարի չի գործում։
Երիտասարդ վարորդը` մոտ 25-30 տարեկան, տեղում մահացել է։ Դեպքի վայր են ժամանել ճանապարհային ոստիկանները, քննիչներ ու հրշեջներ։
Իրավապահները պարզում են վարորդի ինքնությունը։
Սպանություն Հրազդանում. տղամարդը տնից դուրս է եկել ու դանակահարվել
Նշենք, որ սա ՃՈ չգործող անշարժ պահակետի շինության մեջ մխրճվելու առաջին դեպքը չէ, ընդ որում` առաջին դեպքը չէ, երբ բախումը մահվան ելք է ունենում։
Վթարների հետևանքով արդեն ավերվել է նաև շինությունը։
Հերթական սարսափելի դեպքը. Արարատի մարզում հայրը որդուն կախված է հայտնաբերել