ԵՐԵՎԱՆ, 29 նոյեմբերի – Sputnik. «Ռուսաստանն իրական սպառնալիք է ՆԱՏՕ–ի համար»,– հայտարարել է Մեծ Բրիտանիայի պաշտպանության նախարար Բեն Ուոլեսը RUSI պաշտպանական հետազոտությունների թագավորական միացյալ ինստիտուտում նախընտրական բանավեճերի ժամանակ։
«Իրական սպառնալիք կա Ռուսաստանի կողմից, օրինակ` ՆԱՏՕ–ի համար։ Ռուսաստանը քայլ առ քայլ, միլիմետր առ միլիմետր փորձարկում է մեր վճռականությունը», – ասել է նախարարը, որի խոսքը մեջբերել է ՌԻԱ Նովոստին։
Ուոլեսի կարծիքով` Ռուսաստանն այդ նպատակի համար օգտագործում է Ուկրաինային` պատերազմ վարելու հիբրիդային միջոց կիրառելով։
Նախարարը կոչ է արել Հյուսիսատլանտյան դաշինքին, Եվրամիությանը և երկրներին, որոնք մտնում են Five Eyes (ԱՄՆ, Մեծ Բրիտանիա, Կանադա, Ավստրալիա, Նոր Զելանդիա) հատուկ ծառայությունների միության մեջ, վերահսկողության տակ առնել իրավիճակը և «վճռական պատասխան տալ Ռուսաստանին»։
Ռազմական փորձագետ, պաշտոնաթող գնդապետ Վլադիմիր Լիտովկինի կարծիքով` նախարարի ասածը չի կարելի լուրջ ընդունել ։
«Դա խոսում է թագավորության պաշտպանության նախարարի հոգեկան հիվանդության մասին։ Ռուսաստանը ոչ մեկին չի սպառնում, չի մոտենում ՆԱՏՕ–ի սահմաններին։ Այդ ՆԱՏՕ–ն է մոտենում Ռուսաստանի սահմաններին և այնտեղ տեղակայում զգալի քանակությամբ զորքեր։ Իսկ խոսակցություններն այն մասին, որ Ռուսաստանն ինչ–որ մեկին սպառնում է, ամեն ինչ ոտքից գլուխ շուռ տալու, պատճառը և հետևանքը փոխելու փորձ է։ ՆԱՏՕ–ն ռմբակոծել է Հարավսլավիան, ներխուժել Իրաք, Աֆղանստան, Լիբիա։
Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը
ՆԱՏՕ–ի որոշ անդամներ մինչև հիմա անօրինական կարգով Սիրիայում են, սիրիական նավթն են գողանում։ Ռուսաստանը երբեք այդպես չի վարվել և չի վարվում։ Ուստի նրանք վախեցնում են Եվրոպայի բնակչությանը` նրանից ամերիկյան զենք գնելու փող պոկելու համար, ստեղծում վախի մթնոլորտ. այդպես ավելի հեշտ է կառավարել բնակչությանը», – ասել է Վիկտոր Լիտովկինը Sputnik ռադիոկայանի եթերում։