Թևան Պողոսյանը հիշեցնում է, որ երբ լուրեր էին շրջանառվում փոխայցերի մասին, ինքը նշել էր, որ այցերը պետք է գնահատել դրանց արդյունքներով։
«Հայ լրագրողները, մի քանի օր է, պատմում են այն ամենի մասին՝ ինչ տեսել են, իսկ եթե ադրբեջանցի լրագրողը Երևանում գտնվող պարսկական «Կապույտ մզկիթի» մասին ապատեղեկատվություն է տարածում ու գրում է, որ այն ադրբեջանական է, ինչպե՞ս կարելի դրական գնահատել այդ այցելության արդյունքը»,- նկատում է Պողոսյանը։
Ըստ «Մարդկային զարգացման միջազգային կենտրոնի» ղեկավարի, ստացվում է այնպես, որ ադրբեջանցի լրագրողները փորձում են ամեն ինչ ներկայացնել այլ կերպ։
«Նույնիսկ մտավախություն ունեմ, որ իրենք փորձել են ազնիվ պատրաստել տեքստերը, բայց իրենց թույլ չեն տվել, և այդ տեքստերը գրաքննվել են»,-փաստում է Թևան Պողոսյանը։
Նա ցավով է նշում, որ այսօր չկա վստահության այն աստիճանը, որ ադրբեջանական կողմը կհրապարակի իրականությունը։
Հիշեցնենք` Հայաստանի և Ադրբեջանի լրագրողների փոխայցելությունները կայացել են նոյեմբերի 17-21-ը։ Հայաստանի և Արցախի լրատվամիջոցների ներկայացուցիչներն այցելել են Ադրբեջան, իսկ ադրբեջանցի լրագրողները՝ Հայաստան և Արցախ:
«Նրանց աչքերում տեսա, որ հասկացել են` Արցախը երբեք չի լինի Ադրբեջանի կազմում». Ալավերդյան
Ծրագիրը նախապատրաստվել ու կյանքի է կոչվել ԵԱՀԿ-ի գործող նախագահի անձնական ներկայացուցիչ Անջեյ Կասպրշիկի համակարգմամբ` Հայաստանի, Արցախի և Ադրբեջանի համապատասխան գերատեսչությունների ներգրավմամբ։
Ադրբեջան են այցելել «Մեդիամաքս» լրատվական գործակալության համահիմնադիր, գլխավոր խմբագիր Դավիթ Ալավերդյանը, Արցախի հանրային հեռուստաընկերության լրագրող Էդգար Էլբակյանն ու «Շանթ» հեռուստաընկերության մեկնաբան Արտյոմ Երկանյանը։
Ադրբեջանից Հայաստան են եկել Trend լրատվական գործակալության գլխավոր խմբագիր Էլչին Վալիևը, 1news.az–ի լրագրող Էլշան Ռուստամովը և Vestnik Kafkaza in Azerbaijan–ի թղթակից Օրհան Յոլչուևը։
Հայաստան և Արցախ կատարած այցերից հետո վերջինների հրապարակումները գրեթե չեն տարբերվել ադրբեջանական քարոզչանյութերից։
«Հայ հարևանս էլ էր համեղ պատրաստում». ադրբեջանցի լրագրողների տպավորությունները` Արցախից