ԵՐԵՎԱՆ, 27 նոյեմբերի — Sputnik. Խոսրովի անտառում տեղադրված տեսախցիկը հետաքրքիր պահ է արձանագրել Կարմիր գրքում գրանցված կովկասյան ընձառյուծի կյանքից։ Տեսանյութը Facebook-ի իր պաշտոնական էջում հրապարակել է «Խոսրովի անտառ» պետական արգելոցը։
Արտառոց դեպք Իջևանում. ինչպես է տղամարդը հովազի հետ 5 րոպե կռիվ տալուց հետո հրաշքով փրկվել
Տեսանյութում երևում է, որ կենդանին զբոսնում է անտառում ու հանկարծ նկատում է իրեն հետևող տեսախցիկը։ Ժամանակակից տեխնիկան ամենայն հավանականությամբ այնքան է հետաքրքրում ընձառյուծին, որ նա վերադառնում է ու սկսում ավելի մոտիկից զննել խցիկը, նույնիսկ լիզում այն` համը տեսնելու համար։
Տեսանյութն արդեն տարածվում է գտել կենդանիների պաշտպանությամբ զբաղվող հասարակական կազմակերպությունների, կենդանասեր օգտատերերի շրջանում։ Տեսանյութն իր էջում է տեղադրել նաև շրջակա միջավայրի նախարար Էրիկ Գրիգորյանը։
Արջի և քոթոթների զբոսանքը, վայրի խոզերի ըմբշամարտն ու ընձառյուծի ֆոտոսեսիան. «Խոսրովի անտառ»