ԵՐԵՎԱՆ, 27 նոյեմբերի – Sputnik.Հայաստանի Հանրապետության վարչապետ Նիկոլ Փաշինյանի գլխավորած պատվիրակությունը հասավ Ղրղզստանի Հանրապետություն, որտեղ նոյեմբերի 28-ին կկայանա ՀԱՊԿ երկրների հավաքական անվտանգության խորհրդի նիստը։
Բիշքեկի «Մանաս 2» օդանավակայանում Փաշինյանին դիմավորեց Ղրղզստանի վարչապետ Մուհամեդկալի Աբիլգազիևը։
Այս երեկոյան ՀԱՊԿ անդամ երկրների ղեկավարները կմասնակցեն Ղրղզստանի նախագահ Սոորոնբայ Ժեենբեկովի անունից տրվող ոչ պաշտոնական ընթրիքին։
ՀԱՊԿ գագաթնաժողովի շրջանակում նախատեսված միջոցառումների ու հանդիպումների մեծ մասը կկայանան վաղը` նոյեմբերի 28-ին։ Փաշինյանը հանդիպումներ կունենա նաև ՌԴ նախագահ Վլադիմիր Պուտինի և Ղրղզստանի նախագահի հետ։
Նիկոլ Փաշինյանը հասավ Բիշքեկ
© Photo / official site of the Prime minister of RA