ԵՐԵՎԱՆ, 27 նոյեմբերի — Sputnik. Հիսուս Քրիստոսի մսուրի փոքր կտորը Հռոմի պապ Ֆրանցիսկոսի թույլտվությամբ կհանձնվի Իսրայելին։ ՌԻԱ Նովոստին տեղեկացնում է, որ այս մասին հայտնել է Սուրբ հողի ներկայացուցչությունը։
Նշվում է, որ քրիստոնեական մասունքը Երուսաղեմ կհասնի նոյեմբերի 29–ին։ Հաջորդ օրը այն կտեղափոխեն Բեթղեհեմ քաղաք, որտեղ ծնվել է Քրիստոսը։
Այդ իրադարձությանն արձագանքել է ֆրանցիսկյան միաբանության ներկայացուցիչ Ֆրանչեսկո Պատոնան։
«Մենք հուզված ենք և շնորհակալ Հռոմի պապ Ֆրանցիսկոսին այդ նվերի ու սուրբ մասունքը պահպանելու իրավունքի համար», – մեջբերում է նրան Haaretz–ը։
Հայերը միշտ հավատարիմ են եղել Քրիստոսին. Հռոմի պապը շնորհավորել է մխիթարյանականներին
Մասունքը Հռոմի պապ Թեոդորոս I–ին է նվիրել Երուսաղեմի պատրիարք Սոփրոնիոսը մահմեդականների կողմից Սուրբ հողը գրավելու ժամանակ։ Մինչ այս այն պահվում էր Հռոմի Սանտա Մարիա Մաջորե եկեղեցում։
Հայաստանի գյուղերից մեկում Քրիստոսի դեմքով լավաշ են թխում. լուսանկարներ