ԵՐԵՎԱՆ, 26 նոյեմբերի — Sputnik. Ահաբեկչական խմբավորումների զինյալները «Սպիտակ սաղավարտների» հետ սադրանքներ են պատրաստում սիրիական Իդլիբում։ Այս մասին հայտնում է ՌԻԱ Նովոստին` հղում անելով ՌԴ ՊՆ–ին։
Մի քանի ալիքներով հաստատվել է տեղեկությունն այն մասին, որ ահաբեկիչները մտադիր են դեսկալացիայի գոտում գտնվող բնակելի վայրերում ավիահարվածներ և քիմիական զենքի կիրառում բեմադրել։
Ահաբեկիչներն արդեն «քասթինգ» են անցկացնում տեղի բնակիչների շրջանում նկարահանումներին մասնակցելու համար։ Այդ տեսահոլովակները կհրապարակվեն սոցցանցերում։
Սիրիայի հայկական եկեղեցին Թուրքիայի և քրդերի համար տեղեկատվական պատերազմի հարթակ է դարձել
Նոյեմբերի 11-ին հայտնի էր դարձել, որ «Սպիտակ սաղավարտների» հիմնադիրներից մեկը բրիտանացի Ջեյմս Լե Մեզյուրյեին մահացած են գտել Ստամբուլում իր տան մերձակայքում։ Չհաստատված տվյալներով` պաշտոնաթող սպան ընկել է պատշգամբից։
Սիրիայի հարցով հանդիպումը հետաձգվել է մինչև դեկտեմբերի սկիզբ
«Սպիտակ սաղավարտները» ոչ կառավարական կազմակերպություն է, որը աջակցություն է ստացել Արևելքում և հայտարարել, որ իր նպատակը մարտական գործողությունների գոտում խաղաղ բնակիչներին փրկելն է, սակայն սիրիական իշխանությունները մեղադրել են նրանց ծայրահեղականների հետ կապի և թշնամական քարոզչական գործունեություն ծավալելու մեջ։