ԵՐԵՎԱՆ, 25 նոյեմբերի — Sputnik. Մերձմոսկովյան Դուբնայի գիշերային ակումբներից մեկում սպանվել է Հայաստանի քաղաքացի` Գյումրու բնակիչ։
Sputnik Արմենիայի թղթակիցը կապ հաստատեց Ռուսաստանում Հայաստանի դեսպանատան հետ։ Դիվանագիտական ներկայացուցչությունից հայտնեցին, որ կապի մեջ են իրավապահ մարմինների հետ։ Ավելի ուշ դեսպանությունը հաղորդագրություն տարածեց։
«Հայտնում ենք, որ մերձմոսկովյան Դուբնա քաղաքի գիշերային ակումբներից մեկի մոտակայքում (Դաչնայա փ․2 հասցեում) նախօրեին ՀՀ քաղաքացիների մասնակցությամբ տեղի ունեցած միջադեպի վերաբերյալ ստացված տեղեկատվության առնչությամբ դեսպանությունը կապ է հաստատել է ՌԴ համապատասխան մարմինների հետ», – նշված է հաղորդագրությունում։
Փոխանցված տեղեկատվության համաձայն` տեղի ունեցած միջադեպի հետևանքով կյանքի հետ անհամատեղելի վնասվածքներ է ստացել ՀՀ քաղաքացի Ե․Գ․-ն։ Մեկ այլ քաղաքացի ստացել է միջին ծանրության մարմնական վնասվածքներ։
Տեղի ունեցածի մանրամասներն ու հանգամանքները ճշտվում են։
«Պոտյոյին» են փորձել սպանել. ի՞նչ կապ ունի նա Վլադիմիր Գասպարյանի հետ
Հարցը դեսպանության ուշադրության կենտրոնում է։