ԱԺ փոխխոսնակ Ալեն Սիմոնյանն առաջարկում է փոփոխություն կատարել «ՀՀ տարածքում ժամանակի հաշվարկման կարգի մասին» ՀՀ օրենքում։ Այն ընդունելու դեպքում մարտ և հոկտեմբերի ամիսներին ժամային փոփոխություններ կկատարվեն` անցնելով ամառային և ձմեռային ժամանակի:
Ալեն Սիմոնյանի օրենսդրական նախաձեռնությունը սոցիալական հետևանքներ կառաջացնի. «Ժողովուրդ»
Տնտեսագետ Սամվել Ավետիսյանի կարծիքով՝ նախաձեռնությունը ճիշտ է, որովհետև առաջին հերթին լինում է հոսանքի խնայողություն: Ըստ նրա՝ իհարկե կան նաև հարմարվելու բարդություններ, սակայն դա շատ արագ է անցնում, և մարդիկ ժամային փոփոխությունից ավելի շատ շահում են, քան տուժում:
Օդերևութաբանները 3 մարզում կտրուկ փոփոխություններ են կանխատեսում. եղանակի տեսություն
«Միայն առաջին երկու-երեք օրերին է մի քիչ դժվար, երբ պետք է քնից արթնանալ, կողմնորոշվել, գնալ աշխատանքի»,- Sputnik Արմենիայի հետ զրույցում ասաց տնտեսագետը:
Սամվել Ավետիսյանի տեղեկացմամբ՝ ամբողջ Եվրոպան հիմնված է շուկայական տնտեսության վրա, բայց նրանք անցնում են ժամային գոտիների, և այդ պրակտիկան կիրառվում է նրանց մոտ, հետևաբար, այստեղ զուտ էներգիայի խնայողության խնդիրն է և ավելի շատ բնական լույսից օգտվելու հնարավորությունը, ինչն ավելի առողջարար է: