ԵՐԵՎԱՆ, 22 նոյեմբերի – Sputnik.Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանը ցանկություն չունի մեկնաբանել հայկական ֆուտբոլում տիրող իրավիճակը։ Նա այս մասին ասել է Aysor.am–ին։
«Ես ընդհանրապես ֆուտբոլի հետ կապ չունեմ, որևէ բան չեմ ուզում մեկնաբանեմ, խոսամ: Էս ա... ժողովուրդն ինչ ուզում ա, ստացել ա։ «Էդ էին ֆուտբոլից ուզում, ստացել են, մեկնաբանեմ, որ ի՞նչ», - ասել է Հայրապետյանը։
Հարցին՝ սպասելի՞ էր, որ Արթուր Վանեցյանը հրաժարական կտար, Հայրապետյանն արձագանքել է. «Ես արդեն ասացի, ավարտեցի»։
Հիշեցնենք` երեկ` նոյեմբերի 21-ին, ՀՖՖ-ում տեղի ունեցավ գործկոմի նիստ, որից հետո Արթուր Վանեցյանը հայտարարեց հրաժարականի մասին: Նա նշեց, որ նոյեմբերի 19-ին կայացած Եվրո 2020–ի ընտրական փուլի վերջին` Իտալիա–Հայաստան հանդիպումը 9։1 հաշվով ավարտելն աննախադեպ ու մտահոգիչ էր, և հարցերին պետք է լուծում տրվեն:
Արթուր Վանեցյանը Հայաստանի ֆուտբոլի ֆեդերացիայի նախագահ էր նշանակվել 2018թ.–ի սեպտեմբերի 22–ին։ Այդ ժամանակ նա նաև ՀՀ ԱԱԾ տնօրենն էր։
«Սորոսի» գրասենյակի գործունեությունը Հայաստանի համար վտանգներ է պարունակում. Վանեցյան