ԵՐԵՎԱՆ, 21 նոյեմբերի - Sputnik. Ձերբակալվել են Երևանի Աջափնյակ վարչական շրջանի դեղատներից մեկի տնօրենն ու Երևանի 44–ամյա մի բնակիչ։ Այս մասին հայտնում է ՀՀ ոստիկանության կայքը։
Ոստիկանության Թումանյանի բաժնի պետ Լեռնիկ Գիգոլյանը ձերբակալվել է. ԱԱԾ
Նոյեմբերի 18-ին Հալաբյան և Արզումանյան փողոցների խաչմերուկում հայտնաբերել ու ապօրինի թմրամիջոց ձեռք բերելու, պահելու և օգտագործելու կասկածանքով բերման են ենթարկել Երևանի բնակիչ, 44-ամյա մի տղամարդու։
Նրա անձնական խուզարկությամբ հայտնաբերվել է հոգեներգործուն դեղապատիճ։ Փաստական տվյալներ են ձեռք բերվել, որ բերման ենթարկվածը դեղապատիճը գնել է Աջափնյակ վարչական շրջանի դեղատներից մեկից։
Նոյեմբերի 19-ին ոստիկանության ծառայողները դատարանի որոշմամբ խուզարկել են դեղատունը և հայտնաբերել 56 հատ հոգեներգործուն դեղապատիճ։ Դեղատան տնօրենը բերման է ենթարկվել ոստիկանության Մաշտոցի բաժին ու ձերբակալվել։
Օպերատիվ-հետախուզական միջոցառումների շնորհիվ հայտնի է դարձել, որ նա հոգեներգործուն դեղապատիճները ձեռք է բերել Երևանի 44-ամյա մի բնակչից։
Վերջինս ևս հայտնաբերվել է, բերման ենթարկվել ու ձերբակալվել։
Նշանակվել է դատաքիմիական փորձաքննություն։
Հանգա
մանքները նախաքննությամբ պարզվում են։