Կրթության, գիտության, մշակույթի և սպորտի նախարարության` նախարարին կից աշակերտական խորհուրդ ձևավորելու նախաձեռնությունը հետաքրքիր է, եթե միայն ճիշտ կառավարվի։ Այն հնարավորություն կտա լսելու աշակերտների տեսակետը: Այս մասին Sputnik Արմենիայի հետ զրույցում ասաց կրթական հարցերով փորձագետ Սերոբ Խաչատրյանը։
«Ամբողջ խնդիրն այն է՝ այդ խորհուրդը նպատակին կծառայի, թե ոչ: Հիմա նախարարին կից կա նաև հասարակական խորհուրդ: Դուք երբևէ լսե՞լ եք, որ այդ կառույցը ինչ-որ վճռորոշ տեսակետ հայտնի: Դա ձևական բան է: Բոլորիս հայտնի է նաև երկրի ղեկավարին կից հանրային խորհուրդը: Ցավոք, չենք տեսնում, որ խորհուրդներն ինչ-որ ազդեցություն ունենան»,-նշեց նա:
Աշակերտական խորհրդի ստեղծման պարագայում, ըստ փորձագետի, ամեն ինչ կախված կլինի այն հանգամանքից, թե ինչ կփոխի այդ կառույցը, հակառակ դեպքում այն դեկորատիվ բնույթ կկրի:
«Կառավարության, քաղաքացիների ոտքերից կախվել և ճահիճի մեջ քաշել չի ստացվի». Փաշինյան
«Կարևոր հարց է, թե ո՞ր աշակերտներն են ներգրավվելու խորհրդի կազմում, արդյո՞ք լսելի է լինելու բոլոր աշակերտների ձայնը, թե՞ միայն գերազանցիկներն են լինելու: Հիմա Հայաստանում այնպիսի վիճակ է, որ կարելի է ամեն ինչ ստեղծել, բայց խնդիրն այն է, որ կարողանաս ճիշտ աշխատացնել»,-ասաց Խաչատրյանը:
«Չի կարելի բուհերը դնել դիկտատորային կառավարման տակ». դասախոսները` ընդդեմ ԿԳՄՍ նախարարի
Անդրադառնալով Արայիկ Հարությունյանի պաշտոնանկության պահանջով հանդես եկող ուսանողների նստացույցին՝ Սերոբ Խաչատրյանը նշեց, որ յուրաքանչյուր կողմ ունի իր տեսակետը: Ոչ ոք բացարձակ ճշմարիտ չէ: Նրա կարծիքով` գուցե արժե մի փոքր սպասել, որովհետև հաստատ հայոց լեզվի ու պատմության հարց բարձրացնելու ժամանակը չէր: Կարելի էր լուծել մյուս խնդրահարույց հարցերը, մինչև այս մեկը կհասունանար: