ԵՐԵՎԱՆ, 20 նոյեմբերի - Sputnik. Հայտնի ռեփեր Տիմատիի` դեկտեմբերի 6-ին Կարեն Դեմիրճյանի անվան մարզահամերգային համալիրում նախատեսված հայաստանյան համերգը չեղարկվել է։ Այս մասին հայտնում է համերգի կազմակերպիչ «Փրայմ թիմը»։
«Ցավով տեղեկացնում ենք, որ մեր Ռուսաստանի գործընկերների և Տիմատիի որոշմամբ` մի շարք տեխնիկական և անկառավարելի խնդիրների պատճառով մենահամերգը տեղափոխվում է 2020 թվական։ Տիմատին Հայաստան կվերադառնա հաջորդ տարի նոր ծրագրով և իր նոր ձայնասկավառակի շնորհանդեսով»,–նշված է հաղորդագրության մեջ։
Ռեփեր Արսեն Անտոնյանը դարձել է Տիմատիի Black Star լեյբլի նոր դեմքը
Թիմը հայտնում է նաև, որ բոլոր գնված տոմսերի գումարները հետ կվերադարձվեն։ Ի դեպ, համերգի տոմսերը 5000-30 000 էին, իսկ նաև VIP տեղերի տոմսի արժեքը 50 000 դրամ էր։
Հիշեցնենք, որ ապրիլին Տիմատին Հայաստան էր այցելել ու տեսահոլովակ նկարել։ Իսկ հունիսին Երևանում բացվեց Տիմատիի «Black Star Burger» ցանցի ռեստորանը։