ԵՐԵՎԱՆ, 20 Նոյեմբեր — Sputnik. Հայաստանում ՌԴ արտակարգ և լիազոր դեսպան Սերգեյ Կոպիրկինը այսօր Շրջակա միջավայրի պաշտպանության նախարարությունում մասնակցել է հրդեհաշիջման համար անձնական պաշտպանության միջոցների և սարքավորումների երկրորդ խմբաքանակի փոխանցման արարողությանը։
Ինչպես տեղեկացնում են Ռուսաստանի դեսպանատան մամուլի ծառայությունից, հրդեհաշիջման համար անձնական պաշտպանության միջոցների և սարքավորումների երկրորդ խմբաքանակի փոխանցումը կատարվել է «Հայաստանում կլիմայի փոփոխությունների հետևանքների մեղմումը հրդեհների կառավարման անտառային և դաշտային ներուժի զարգացման միջոցով» ծրագրի շրջանակում, ինչին Ռուսաստան-ՄԱԿԶԾ ֆոնդի մասով հատկացվել է մեկ միլիոն դոլար:
Ողջույնի իրենց խոսքում արտակարգ իրավիճակների նախարար Ֆելիքս Ցոլակյանը, Հայաստանի շրջակա միջավայրի նախարար Էրիկ Գրիգորյանը, Հայաստանում ՄԱԿ Զարգացման ծրագրի մշտական ներկայացուցիչ Դ.Ս.Մարիասինը շնորհակալություն հայտնեցին ռուսական կողմին Հայաստանում անտառային հրդեհների դեմ պայքարի ծրագրի ֆինանսավորման համար:
Հրշեջ–փրկարար Սամվել Դևելյանը հետմահու պարգևատրվել է Արիության մեդալով
Հայաստանում Ռուսաստանի արտակարգ և լիազոր դեսպան Սերգեյ Կոպիրկինը հույս հայտնեց, որ ծրագրի շրջանակներում ժամանակակից տեխնոլոգիաների վրա հիմնված հրդեհի նախազգուշացման և մոնիտորինգի վաղաժամկետ համակարգի շահագործման միջոցառումները կնվազեցնեն երկրում արտակարգ իրավիճակների քանակը:
Ի՞նչ է այրվել «Էրեբունի» օդանավակայանում. մանրամասներ. տեսանյութ
Նշենք, որ ԱԻՆ տվյալներով` 2018–ի առաջին կիսամյակի համեմատ, 2019–ի առաջին կիսամյակում հրդեհների քանակը 2.1 անգամ ավելի է: Ավելին, խոտածածկ տարածքներում, նախորդ տարվա նույն ժամանակահատվածի համեմատ, այս տարի մոտ 4 անգամ ավելի շատ հրդեհ են գրանցվել։ Հրդեհների հետևանքով այրված տարածքների մակերեսը 2018–ի 1-ին կիսամյակի համեմատ 2019-ի նույն ժամանակահատվածում 5.7 անգամ ավել է եղել: