ԵՐԵՎԱՆ, 18 նոյեմբերի — Sputnik. «Արմենիա» ավիաընկերությունը Երևանի և Անապայի միջև կանոնավոր ավիահաղորդակցություն կապահովի։
Ինչպես հայտնում է Անապայի միջազգային օդանավակայանի կայքը, ուղիղ չվերթերը կգործարկվեն այս տարվա դեկտեմբերի 12-ից։
Նշվում է, որ չվերթերն իրականացվելու են շաբաթական երկու անգամ` երկուշաբթի և հինգշաբթի։
Չվերթերը կիրականացվեն ВАe 146-300 ինքնաթիռներով, որոնք նախատեսված են մինչև 100 ուղևորի համար։
Անապայի միջազգային օդանավակայանը Երևանից առաջին չվերթն իրականացնող ինքնաթիռին կդիմավորի ավանդական «ջրային կամար» արարողությամբ։
Կապան-Երևան չվերթ. Հայաստանում շուտով նոր օդանավակայան կգործարկվի. տեսանյութ
«Արմենիա» ավիաընկերության` Անապա–Երևան և հակառակ ուղղությամբ չվերթի տոմսերը կարելի է ձեռք բերել տոմսարկղերում կամ ամրագրել Անապա միջազգային օդանավակայանի պաշտոնական կայքում։
Աթբաշյան. «Հայաստանի օդային տարածքով շարժը կավելանա, ինչից մենք կունենանք մեծ եկամուտներ»