ԵՐԵՎԱՆ, 16 նոյեմբերի – Sputnik. Արմավիրի մարզի Արմավիր քաղաքում այս գիշեր խոշոր հրդեհ է գրանցվել։ «911» ծառայությունը ժամը 03:25-ի սահմանում ահազանգ է ստացել, որ Սայաթ–Նովա փողոցի թիվ 1ա տան հարակից անասնագոմին կից այրվում է պահեստավորված անասնակեր:
Shamshyan.com–ը հայտնում է, որ փրկարարները քաղաքացիների օգնությամբ կանխել են կրակի տարածումը, ապա մի քանի ժամ պայքարել կրակի դեմ:
Փրկարարները, քաղաքացիներն ու ոստիկանները կարողացել են, վտանգելով իրենց կյանքը, անասնագոմից դուրս բերել 32 գլուխ խոշոր եղջերավոր անասուն:
Վարորդի «աչքը կպել է», ավտոմեքենան` կողաշրջվել
Հրդեհի հետևանքով ամբողջովին այրվել է Սաիդ Ուսոյանին պատկանող անասնագոմի հարակից հատվածում պահեստավորված մոտ 6 հազար հակ անասնակերը, իսկ կից ավտոտնակում ամբողջովին այրվել ու մոխրակույտի է վերածվել Lexus GX470 մակնիշի ավտոմեքենան և ավտոտնակում եղած ողջ ապրանքը:
Ըստ նախնական տեղեկությունների՝ քաղաքացին հրդեհի հետևանքով կրել է 35-40 մլն դրամի վնաս:
Ծեծկռտուք Երևանում. քոլեջում սովորողները գործի են դրել մահակներն ու քարերը