Ալեքսանդր Խրոլենկո, ռազմական վերլուծաբան
Նոյեմբերի վերջին մարտական հերթապահություն կանցնեն ռուսական երկու` միջուկային պլանավորման բլոկով զինված УР-100Н УТТХ հրթիռներ` «Ավանգարդ» համալիրների առաջին գնդի կազմից։ Դոմբարովսկի ռազմավարական նշանակության հրթիռային զորքերի դիվիզիայում նախապատրաստում և բեռնաթափում են հրթիռները հորաններում, ստուգում հրամանատարական կետի համակարգերը։
Գործնականում պետք է ստուգվի «Ավանգարդի» և հրթիռային հարձակման նախազգուշացման համակարգի փոխկապակցվածությունը, մշակվի բոլոր սեզոններին շահագործման հնարավորությունը։ Մոտ ապագայում մարտական հերթապահության դուրս կգան երկու գունդ, «Ավանգարդ» տեսակի 12 հրթիռային համալիրներ հորանային կայաններում։
«Ավանգարդ» հիպերձայնային բլոկերը ՌԴ սպառազինության գագաթնակետն են, և միևնույն ժամանակ Ռուսաստանի բոլոր դաշնակիցների անվտանգության հովանոցը։
2020թ.-ի ռազմարդյունաբերական հատկացումներն ավելացել են 22%-ով
Հիպերձայնային բլոկի փորձնական գործարկումը հաջողությամբ անցկացվեց 2018 թվականի դեկտեմբերին. թիրախը խոցվել էր Կամչատկայի Կուրա հրաձգարանում։ Ավելի վաղ «Կինժալ» հիպերձայնային հրթիռներով զինված և հակահրթիռային պաշտպանության համար անորսալի МиГ-31 10 կործանիչներն անցել էին մարտական հերթապահության ՀՌՕ–ում։ Պարզվեց, որ Մոսկվայի հիպերձայնային ձեռքբերումները «խաղալիք» չեն։ Այն մեծ իրարանցում առաջացրեց Վաշինգտոնում։ Չէ՞ որ ուժի տեսանկյունից արտաքին քաղաքականության իրենց ուղեծիրը շարունակելու համար Միացյալ նահանգները պետք է առաջ անցնի Ռուսաստանից և յուրացնի նման տեխնոլոգիաները։
«Ավանգարդից» պաշտպանության տարբերակ այս պահին գոյություն չունի։ Պլանավորող բլոկի հնարավորությունները թույլ են տալիս շրջանցել հակահրթիռային պաշտպանության ամերիկյան համակարգի տեղեկատվական և կրակային միջոցների գործողության գոտիները։ Հիպերձայնային հրթիռների եվրոպական զավթիչներ նախատեսում են ստեղծել մինչև 2030 թվականը, այդ ընթացքում ռուսական հիպերձայնային զենքը շատ ավելի առաջ կգնա։ Եվ ոչ միայն օդում։ Օրինակ` նավատորմը «Ցիրկոն» 3М22 հիպերձայնային հրթիռներ է ստացել, դրանցով հագեցնում են վերջրյա նավերն ու սուզանավերը։ «Ցիրկոնները» կարողանում են արդյունավետ վերացնել հակառակորդի ավիակիր խմբավորումները։
«Յարս» հրթիռային համալիրները հարմարեցվել են տեղակայման տարբեր ձևերի համար, այդ թվում` երկաթուղային։ Հորանային տեղակայման «Սարմատ» հրթիռային նոր համալիր է ստեղծվել ծանր դասի հեղուկային հրթիռով (մեկնարկային կշիռը` 110 տոննա, 10 – 15 տարանջատող մարտագլխիկ, յուրաքանչյուրը մինչև 750 տոննա)։ «Սարմատը» կփոխարինի «Վոեվոդային» Ուժուրսկի հրթիռային դիվիզիայում և Դոմբարովսկի դիրքային շրջանում։
Գործողություն Սիրիայում. ռուսական դեսանտն իջել է նախկին ամերիկյան բազա. տեսանյութ
Ստացվում է, որ Մոսկվան վերջին 9 տարվա ընթացքում իզուր չի բանակի և նավատորմի վերազինման համար շուրջ 20 տրիլիոն ռուբլի ծախսել։ Աշխարհի կայուն խաղաղության համար արժե ծախսել։