ԵՐԵՎԱՆ, 15 նոյեմբերի — Sputnik. ՀՀ վարչապետ Նիկոլ Փաշինյանը պրոբացիայի ծառայության պետին ազատել է աշխատանքից ու նոր պետ նշանակել։ Այս մասին հայտնում է կառավարության պաշտոնական կայքը։
«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Արսեն Նավասարդյանին ազատել պրոբացիայի ծառայության պետի պաշտոնից»,–նշված է վարչապետի որոշման մեջ։
Մեկ այլ որոշմամբ էլ Փաշինյանը պրոբացիայի ծառայության պետ է նշանակել Գևորգ Սիմոնյանին։
Հիշեցնենք, որ Նավասարդյանը պրոբացիայի ծառայության պետ էր նշանակվել 2016–ի դեկտեմբերի 22–ին, իսկ 2018–ին վերանշանակվել էր։