ԵՐԵՎԱՆ, 14 նոյեմբերի – Sputnik. Եվրասիական տնտեսական հանձնաժողովի կոլեգիայի ղեկավար Տիգրան Սարգսյանը խոսել է այն մասին, թե կազդե՞ն արդյոք Ռուսաստանում համացանցի օրենսդրական կարգավորումների փոփոխությունները ԵԱՏՄ մյուս երկրների և միության շրջանակում ընդհանուր թվային նախագծերի վրա։
Ինչ «ճակատագիր» է սպասվում ծխախոտին. Սարգսյանը`ԵԱՏՄ-ում ակցիզային հարկի դրույքաչափի մասին
Նոյեմբերի 1–ից ուժի մեջ է մտել օրենք, որի համաձայն Ռուսաստանում ստեղծվում է ինտերնետ թրաֆիկն ուղղորդելու ազգային համակարգ։ Օրենքը կոչված է համացանցի ռուսական հատվածը հնարավոր արտաքին սպառնալիքներից պաշտպանելուն։
Տիգրան Սարգսյանն ասել է` որ դեպքում կչեղարկվի ռոումինգը ԵԱՏՄ–ում
«ԵԱՏՄ թվային նախագծերը հայեցակարգային առումով այնպես են կազմվում, որպեսզի դրանք կարողանան աշխատել միասին` որպես միասնական համակարգ և որպես ազգային մակարդակի անկախ բաղադրիչներ` առանց ֆունկցիոնալությունը կորցնելու։ Միության մեկ կամ մի քանի երկրների շրջանակում անկախ ինտերնետի հարցը ոչ մի կերպ չի ազդի միության թվային նախագծերի աշխատունակության վրա»,–ասել է Սարգսյանը ՌԲԿ–ին տված հարցազրույցում։
Հիշեցնենք, որ ՌԴ–ում նոր օրենքով հնարավորություն է ստեղծվում ռուս օգտատերերի տվյալների փոխանցումն արտասահման նվազագույնի հասցնելու համար։