ԵՐԵՎԱՆ, 13 նոյեմբերի — Sputnik. Դեռ 2018–ին ԵԱՏՄ–ից ՀՀ սննդի անվտանգության տեսչական մարմնին նվիրած 4 շքեղ ամենագնացներից որևէ մեկը փոխվարչապետ Տիգրան Ավինյանին չի սպասարկում։ Այս մասին Ազգային ժողովում կառավարության հետ հարցուպատասխանի ժամանակ ասաց փոխվարչապետը։
«ԵԱՏՄ–ից նվեր ստացած մեքենաներից մեկը պետգույքի կոմիտեի բալանսում է և չի շահագործվում, մյուսը տրամադրվել է տնտեսական մրցակցության պաշտպանության հանձնաժողովին` պարկը թարմացնելու նպատակով, երկուսն էլ մնացել են սննդի անվտանգության տեսչական մարմնում։ ՍԱՏՄ–ում 4 նման մեքենա պահելու նպատակահարմարություն չկար, դրա համար էլ դրանք այլ մարմինների են տրամադրվել»,–ասաց նա։
«Կպառկացնենք ասֆալտին ու կտանք պատերով` բառի բուն իմաստով». ո՞ւմ վրա է զայրացել Փաշինյանը
Ավինյանի խոսքով` ավտոպարկը ներկայիս կառավարության օրոք շուրջ 150 մեքենայով կտրուկ կրճատվել է։ Մեքենաների կրճատման հետևանքով էլ 20 մլրդ դրամի տնտեսում է եղել։
Մեղավոր պաշտոնյաները կպատժվեն. վարչապետը ՊՎԾ–ին հանձնարարել է ստուգումներ անցկացնել
Հիշեցնենք, որ 2018–ին սննդի անվտանգության տեսչական մարմինը ԵԱՏՄ-ից որպես նվիրատվություն էր ստացել TOYOTA Land Cruiser մակնիշի 4 ջիփ-ամենագնացները։ Մեքենաներից յուրաքանչյուրի արժեքն, ի դեպ, շուրջ 70.000 դոլար է։