ԵՐԵՎԱՆ, 12 նոյեմբերի - Sputnik. Պայթյունը տեղի է ունեցել Դամասկոսում (Սիրիայի մայրաքաղաք), Լիբանանի դեսպանատան մոտ։ Այս մասին հայտնում է RT–ն` հղում անելով սիրիական ԶԼՄ–ներին։
«ԱՄՆ–ն թալանում է Սիրիայի նավթի հանքատեղերը». Ասադը` պատերազմի պատճառների մասին
Տեղեկությունների համաձայն` պայթյունի հետևանքով 2 մարդ է զոհվել, ևս 6-ը տուժել են։ Տուժածներին տեղի հիվանդանոցներ են տեղափոխել։
Միջադեպի այլ մանրամասներ դեռ չեն հաղորդվում։
Նշենք, որ նոյեմբերի 11-ին ահաբեկչություններ են տեղի ունեցել նաև Կամիշլի քաղաքում (Հասաքա գավառ)։
SANA գործակալության տեղեկության համաձայն` երկու ականապատ մեքենա է պայթել Ալ–Վահդե փողոցում, երրորդը` քաղաքի կենտրոնում գտնվող «Ալ–Ամին» հյուրանոցի մոտ։
Սիրիայում 2 հայի են սպանել. տեսանյութ
Ահաբեկիչների շարքի հետևանքով ընդհանուր առմամբ 7 մարդ է զոհվել, ևս 70 քաղաքացի վիրավորում են ստացել։
Դրանից բացի, զգալի վնաս է հասցվել պետական և մասնավոր սեփականությանը։