Համաշխարհային զարգացման կենտրոնը Արևմուտքից տեղափոխվում է Արևելք։ Sputnik–ի հետ զրույցում նման համոզմունք հայտնեց գերմանա–ռուսական համաժողովի գիտական տնօրեն Ալեքսանդր Ռարը, որը մասնակցել է Ուզբեկստանում «Վալդայ» միջազգային բանավեճային ակումբի X ասիական համաժողովին։ Փորձագետի խոսքով` աշխարհը դառնում է Մեծ Ասիայի ստեղծման ականատեսը։
«Այսօր Մեծ Ասիայի մասին կարելի է ոչ միայն երազել, այլ նաև խոսել, կարելի է տեսնել, թե ինչպես է այն ստեղծվում. դրանք նոր դաշինքներ են, համագործակցության նոր տնտեսական ձևեր, ազատ գոտիներ, որոնք կազմակերպում են տարբեր երկրներ», – ասել է Ալեքսանդր Ռարը «Կենտրոնական Ասիա և Եվրասիա. բազմակողմանի համագործակցությունը գլոբալ խառնաշփոթի մարտահրավերների առաջ է» խորագրով համաժողովի շրջանակում։
Մասնագետն ընդգծել է, որ այսպես կոչված Մեծ Ասիա է մտել Թուրքիան` «հեռանալով Արևմուտքից», ինչպես նաև Ֆիլիպինները և Վիետնամը, որոնք «դեռ երկու–երեք տարի առաջ հույս էին դրել ԱՄՆ–ի հետ համագործակցության վրա»։
«Ասիայում ստեղծվում է ամենամեծ տնտեսական տարածությունը, ինչպիսին երբևէ չի եղել մարդկության ամբողջ պատմության ընթացքում։ Դա համաշխարհային տնտեսության 50 տոկոսն է։ Այդ տնտեսական գործընթացների հիման վրա կստեղծվեն քաղաքական ինստիտուտներ և ռազմական միություններ, որոնք կկառուցեն ապագա համաշխարհային կարգը», – կարծում է Ռարը։
Ներկայացրեք տոմսը կամ ինչն է խանգարում զբոսաշրջիկներին
Նրա խոսքով` Ասիան շփման եզրեր կորոնի ամենաբարդ և տարբեր պետությունների հետ` աշխարհը կայունացնելու և կարգավորելու համար։
«Հիմա, իսկապես, ավարտվում է Եվրոպայի դարաշրջանը, և մենք թևակոխում ենք այլ դարաշրջան, որտեղ Ասիան գրելու է մարդկության պատմությունը։ Կառուցվելու է նոր համաշխարհային կարգ` այլ կանոններով։ Դա այնպես չի լինի, ինչպես արել է Արևմուտքը. փորձել է ամեն ինչ կառուցել լիբերալ տնտեսական և քաղաքական համակարգի հիման վրա։ Դա այլ բան կլինի. յուրաքանչյուր երկիր երկխոսության, իր հնարավորությունների, ավանդույթների միջոցով կմիանա ինչ–որ նոր բանի», – մտորում է Ալեքսանդր Ռարը։
«Վալդայ» փորձագիտական ակումբի անդամը ուշադրություն է դարձրել նրան, որ երկրները դուրս են գալիս մեկուսացումից և պատրաստում են ինտեգրացման։
«Հիմա ամեն ինչ կտրուկ փոխվում է, և ես կարծում եմ` դա ուղի է լայն համագործակցություն սկսելու համար։ Ես չգիտեմ, թե այդ ամենն ինչով կավարտվի, բայց առայժմ ամեն ինչ ընթանում է խաղաղ, քաղաքակիրթ ձևով։ Բոլոր երկրները պետք են միմյանց», – ընդգծեց փորձագետը։
Սամարկանդում ընթանում է «Կենտրոնական Ասիա և Եվրասիա. բազմակողմանի համագործակցություն գլոբալ խառնաշփոթի մարտահրավերների առաջ» խորագրով «Վալդայ» ակումբի X ասիական համաժողովը։ Միջոցառմանը մասնակցում է 70 փորձագետ` Ռուսաստանից, Ուզբեկստանից, Գերմանիայից, Հնդկաստանից, Ղազախստանից, Ղրղըզստանից, Չինաստանից, Տաջիկստանից, Ֆիլիպիններից, Շվեդիայից և Ճապոնիայից։