Գործկոմի անդամների մեջ թյուրըմբռնում է եղել: Այս մասին Sputnik Արմենիայի հետ զրույցում ասաց ՀՖՖ գործկոմի անդամ Սուրեն Աբրահամյանը։
«Հունիսի 26-ին ֆեդերացիայի համաժողովը նոր կանոնադրությունը հաստատելիս այդ իրավունքը վերապահել էր ֆեդերացիայի նախագահին: Դա ուժի մեջ կմտներ, եթե կանոնադրությունը պետական ռեգիստրում հաստատված լիներ: Վանեցյանին թվացել էր, որ փաստաթուղթն արդեն հաստատված է, ուստի իրեն է վերապահել այդ պատասխանատվությունը»,- նշեց նա:
Այդուհանդերձ, թյուրիմացությունը հարթվել է, և գործկոմի անդամները շարժվել են հին կանոնակարգով, անցել են Խաշմանյանի թեկնածության քննարկմանը:
Աբրահամյանի խոսքով՝ գործկոմի բոլոր անդամները մեծ գոհունակությամբ հաստատել են Խաշմանյանի թեկնածությունը, և նա ընտրվել է ազգային հավաքականի գլխավոր մարզիչ:
Երկու խաղ էր մնացել այս շրջափուլում, ուստի ոչ բոլորն էին, ըստ Սուրեն Աբրահամյանի, պատրաստ ստանձնել այդ պատասխանատվությունը:
Արթուր Վանեցյանի հրաժարականի հարցը ՀՖՖ–ում չի քննարկվել. Արսեն Թորոսյան
Սուրեն Աբրահամյանի հաղորդմամբ՝ օրակարգում այս պահին Արթուր Վանեցյանի հրաժարականի հարց չկա: